Aqparattyq habarlamada 2022 jylǵy qańtardyń 4-inen 5-ine qaraǵan túni Almatyda qala ákimdiginiń ǵımaratyn basyp alý kezindegi tártipsizdikterge belsendi qatysqan eki sheteldik azamat anyqtalǵany aıtylǵan.

"Atalǵan adamdarmen ǵımaratty qorǵap júrgen Mamandandyrylǵan kúzet qyzmetiniń qarýsyz qyzmetkerlerine qarsy qatygezdikpen kúsh qoldanǵan. Olar polıseılerge dene jaraqattaryn buryn tartyp alynǵan arnaıy quraldarmen (qalqandar, taıaqshalar) jasaǵan. Beınematerıaldardy sáıkestendirý nátıjesinde qylmyskerlerdiń jeke bastary anyqtaldy. Aǵymdaǵy jylǵy 1 aqpanda olar sottyń sanksıasymen qamaýǵa alyndy. Olardyń qylmystyq áreketteri qylmystyq kodekstiń 272-babynyń 2-bóligi (jappaı tártipsizdikterge qatysý), 380-baby 3-bóliginiń 1,4-tarmaqtary (bılik ókiline kúsh qoldaný) boıynsha saralandy. 2022 jylǵy 6 qańtarda qylmyskerler teleefır uıymdastyrý maqsatynda "Kóktóbe" telemunarasyn basyp alýdy josparlap, ol úshin beıbit turǵyndardy birlesip qylmys jasaýǵa kóndire bastaǵan jáne qylmyskerler olardyń ómirine qaýip tóndirgen. 1992 jyly týǵan azamat bas tartqan soń qylmyskerler oǵan myltyqpen eki ret oq atqan, nátıjesinde jábirlenýshi qolynan jáne jynys músheleri tusynan jaraqat alǵan. Atalǵan qylmystyń uıymdastyrýshysy ustaldy, ol buryn sottalǵan 1983 jyly týǵan Almaty qalasy mańynyń turǵyny bolyp shyqty. Onyń qylmysqa qatystylyǵy kýágerlerdiń túsiniktemelerimen dáleldenedi. Ol a.j. 25 qańtarda sottyń sanksıasymen qamaýǵa alyndy" delingen bas prokýratýra habarlamasynda.