AQSH pen Ulybrıtanıa kóshbasshylary Ýkraına daǵdarysyn dıplomatıalyq jolmen sheshýge degen úmit áli bar ekenin málimdedi, biraq jaǵdaı áli de qaýipti ekenin eskertti.
Telefondaǵy 40 mınýttyq sóılesýde Djo Baıden men Borıs Djonson jaqyn arada bolatyn Reseıdiń shabýyly týraly boljamdarǵa qaramastan, daǵdarysty dıplomatıalyq jolmen sheshý áli de múmkin bolatynyna kelisti.
Reseı Ýkraınanyń shekara mańyna 100 myńnan astam ásker ornalastyrǵanyna qaramastan, Máskeý shabýyl josparyn únemi joqqa shyǵaryp keledi.
Germanıa kansleri Olaf Shols búkin keshte Reseı prezıdenti Vladımır Pýtınmen kezdesedi. Nemis basshysynyń sapary "yqtımal shabýyldyń aldyn alatyn dıplomatıalyq kúsh-jigerdiń bir bóligi" dep sıpattalýda.
Shols dúısenbi kúni Kıevte Ýkraına prezıdentimen kezdesip, reseılik áskerılerdiń shekara mańynda kúsheıýine "aqylǵa qonymdy negiz joq" dedi.
Álemdik kóshbasshylar Ýkraınaǵa qatysty qazirgi daǵdarysty báseńdetý úshin dıplomatıalyq kelissózderdi jalǵastyrýda. Biraq ázirge olar eshqandaı kelisimge qol jetkize almady.
Máskeý NATO-ǵa birqatar talaptar qoıdy. Talaptar boıynsha, NATO qorǵanys alánsy Ýkraınany múshelikke qabyldamaýy jáne Shyǵys Eýropadaǵy áskerı yqpalyn azaıtýy kerek.
Ýkraına daǵdarysyna baılanysty batys elderi men Reseı arasyndaǵy shıelenis qalaı órbip jatyr:
- "Reseı Ýkraınaǵa basyp kirý úshin syltaý daıyndap jatyr" dep habarlady Ál-Jazıra telearnasy.
- "Reseı Ýkraınaǵa basyp kirýi múmkin" degen qaýip kúsheıgen kezde AQSH-tyń Memlekettik hatshysy Entonı Blınken Eýropaǵa bardy.
- "Barlyq nusqa tys qalmaıdy. Dıplomatıalyq nusqa da". AQSH memhatshysy Eýropaǵa nege bara jatyr?
- Djo Baıden Reseı Ýkraınaǵa shabýyl jasasa, Máskeýdi "apat" kútip turǵanyn eskertti.
- AQSH barlaý agentteri Reseı Ýkraınaǵa qashan shabýyldaýy múmkin ekenin jarıalady.
- Reseı soǵys ushaqtary Kıevke jaqyn Belarýs eline jınaldy.
- Aǵylshyn saıasatkeri Reseı Ýkraınaǵa basyp kiretini sózsiz ekenin jáne shabýyl jaqyn arada bolatynyn málimdedi.
- AQSH, Ulybrıtanıa Ýkraınaǵa qarý-jaraq jiberip jatyr.
- Danıa, Ispanıa, Fransıa jáne Nıderlandy Shyǵys Eýropaǵa joıǵysh ushaqtar men áskerı kemeler jiberýde.
- Reseı yqtımal shabýyl týraly aqparattardy joqqa shyǵardy.
- Germanıa qazirge Ýkraınaǵa qarý-jaraq bermeıtinin aıtty biraq medısınalyq kómek kórsetetinin jarıalady.
- Eki jaq (Batys-Reseı) soǵysqa daıyndyqpen qosa, dıplomatıalyq kelisimge kelýge tyrysýda.
- Fransıa men Germanıa Reseıdi dıalogqa shaqyrdy.
- Reseı, Ýkraına, Germanıa jáne Fransıa dıplomattary kelissóz júrgizdi.
- Batys elderi Ýkraınaǵa shabýyl jasalsa, zardaby aýyr bolatynyn málimdedi.
- AQSH óz azamattaryn Ýkraınadan shyǵyp ketýge shaqyrdy.
- "Biz qalaı bolsa da daıynbyz". NATO Reseıdiń talabyn toıtardy.
- Baıden: Bul – ekinshi dúnıejúzilik soǵystan keıingi eń iri shabýyl bolýy múmkin.
- Baıden Reseıdiń Ýkraınaǵa qashan shabýyl jasaıtynyn aıtty.
-
Vashıngton Reseı qubyryn jaýyp, BUU qaýipsizdik keńesiniń otyrysyn ótkizetinin jarıalady.
- BUU qaýipsizdik keńesiniń otyrysy barysynda Reseı men AQSH ókilderi sózge kelip qaldy.
- Reseı ókili Kıevtiń "óz túbine ózi jetetinin" aıtty.
- Vashıngton men Máskeý arasyndaǵy kelissózder shıelenisti báseńdete almady.
- AQSH Eýropaǵa kóbirek ásker jiberetinin jarıalady.
- Reseı Vashıngtonnyń Eýropaǵa kóbirek ásker jiberý sheshimin aıyptady.
- AQSH: Reseı Ýkraınaǵa basyp kirýge 70% daıyn. Kıev birneshe kúnde qıraıdy.
-
Fransıa prezıdenti: Reseımen soǵyssyz kelisimge kele alamyz.
- AQSH pen Germanıa Reseıdi qalaı "jazalaýǵa" kelisti.
-
Ulybrıtanıa sanksıalardy qoldaıtynyn bildirdi.
-
Seısenbide Ulybrıtanıa premer-mınıstri Borıs Djonson The Times gazetinde Ulybrıtanıanyń aımaqqa Koróldik áýe kúshteriniń joıǵyshtary men Koróldik teńiz flotynyń áskerı kemelerin ornalastyrý múmkindigin qarastyryp jatqanyn aıtty.
-
Eýropa: Eń qaýipti sátte turmyz
- Makron shıelenisti báseńdetýge kepildik bar ekenin málimdedi.
- NATO: Bul Reseıdiń Kıevti basyp alýǵa daıyndyǵy.
- "Ondaǵan myń ásker qatysady". Búgin Reseı-Belarýs birikken áskerı oqý-jattyǵýlary bastalady.
- Reseı, Ýkraına, Fransıa jáne Germanıa eshqandaı kelisimge qol jetkize almady.
- Máskeý kórshi Belarýspen jappaı áskerı jattyǵýlaryn bastady.
- Ýkraına Reseıdi "teńizge shyǵýymyzǵa tosqaýyl qoıdy" dep aıyptady.
- Baıden Ýkraınadaǵy amerıkalyqtardy dereý elden ketýge shaqyrdy.
-
Baıden: Bul bul dúnıejúzilik soǵys bolady. Biz buryn-sońdy múlde bolmaǵan basqa dúnıege tap boldyq.
- Vashıngton Reseıdiń 20 aqpanda Ýkraına shekarasyn buzatynyn málimdedi.
- Germanıa kansleri Ýkraınaǵa bardy.
- Germanıa kansleri Olaf Shols seısenbi kúni Máskeýge barady.
- "Kıevke birneshe mınýtta bomba túsýi múmkin". Ulybrıtanıa óz azamattaryna eskertý jasady.
- "Sońǵy kelisimder". Germanıa kansleri búgin Máskeýge bardy.
- Reseı: Shıelenisti dıplomatıalyq jolmen sheshýdiń múmkindigi áli de bar.
- Reseı Qorǵanys mınıstrligi Ýkraınamen shekarada ornalasqan keıbir áskerler oqý-jattyǵýlardy aıaqtaǵannan keıin bazalaryna oralyp jatqanyn habarlady.
- Ulybrıtanıa premer-mınıstri Borıs Djonson "Kobra" shuǵyl jınalysyn ótkizbek.
- Eýroodaq Máskeýdiń qaýipsizdik máselelerin talqylaýǵa daıyn ekenin aıtty.
- AQSH pen Ulybrıtanıa: Reseımen dıplomatıalyq kelisimge kelýge úmit bar.
Pikir qaldyrý