Nurgúl Maýberlınova aqparat jáne qoǵamdyq damý vıse-mınıstri bolyp taǵaıyndaldy. Bul týraly primeminister.kz saıty habarlady.

Nurgúl Maýberlınova 1973 jyldyń qarasha aıynda Qaraǵandy oblysynda dúnıege kelgen. E. Bóketov atyndaǵy Qaraǵandy memlekettik ýnıversıtetin jáne Qaztutyný odaǵy Qaraǵandy ekonomıkalyq ýnıversıtetin támámdaǵan.

Eńbek jolyn 1992 jyly bastaǵan. Ár jyldary memlekettik organdar qurylymynda jáne komersıalyq sektorda jumys istedi.

2006-2008 jyldary – Mádenıet jáne aqparat mınıstrliginiń Aqparat jáne muraǵat komıtetiniń bas mamany, bas sarapshysy.

2008-2012 jyldary – premer-mınıstr keńsesiniń aqparattyq-taldaý ortalyǵynyń bas konsýltanty.

2012-2016 jyldary – prezıdent janyndaǵy "Ortalyq komýnıkasıalar qyzmeti" RMM dırektorynyń orynbasary, Parlament májilisi tóraǵasynyń keńesshisi qyzmetterin atqarǵan.

2016-2018 jyldary – aqparat jáne komýnıkasıalar mınıstrliginiń Aqparat komıtetiniń tóraǵasy.

2018-2019 jyldary – aqparat jáne komýnıkasıalar mınıstriniń orynbasary.

2019-2020 jyldary – aqparat jáne qoǵamdyq damý mınıstriniń orynbasary.

2020 jylǵy mamyrdan bastap qazirgi ýaqytqa deıin QR prezıdenti ákimshiligi ishki saıasat bóliminiń meńgerýshisi boldy.