Saıasattanýshy, belsendi Sanjar Boqaev saıası partıa quratynyn málim etti.

Saıasattanýshy mundaı sheshimge úkimettiń nashar jumys isteıtini,  jemqorlyqtyń jappaı jaıylýy ıtermelegenin aıtady.

"Biz úmit artyp, kútip sharshadyq. Memleket estigendeı keıip tanytady.   Máselen, Ózbekstan úkimetine prezıdent tapsyrmasynan keıin aýylsharýashylyǵy tehnıkasy úshin salyqty joıyp, qaıta esepteýge úsh kún ǵana jetkilikti boldy. Bizdiń úkimet bir jarym aıdan beri ýtılalym mólsherin belgileı almaı, blogtýr uıymdastyrýmen aınalysyp otyr. Lobbı kezekti ret memleketten kúshti bolyp shyqty. Sondyqtan bizge óz partıamyz kerek" deıdi saıasattanýshy.

Sanjar Boqaev 1982 jyly týǵan. Ál-Farabı atyndaǵy Qazaq Ulttyq ýnıversıtetin, Reseı Federasıasy prezıdenti janyndaǵy memlekettik qyzmet akademıasyn aıaqtaǵan, AQSH Kolýmbıalyq ýnıversıtetinde tájirıbeden ótken.

Ár jyldary Almaty qalasy ishki saıasaty basqarmasy, jastar saıasaty basqarmasyna jetekshilik etken. Prezıdent janyndaǵy strategıalyq zertteýler ınstıtýtynda jumys istegen. "Nur Otan" partıasy Almaty fılıaly tóraǵasynyń orynbasary bolǵan.

QazTransGaz kompananıasy eks-basqarma tóraǵasy Qaırat Sháripbaevtyń, senat spıkeri bolyp turǵanda Darıǵa Nazarbaevanyń keńesshisi bolǵan.

Sońǵy jyldary memlekettik qyzmetten ketip, kásipkerlikpen, saıası belsendilikpen aınalysyp júr.