Germanıanyń syrtqy ister mınıstri Analena Baerbok soǵys qaýpin týdyrǵany úshin Máskeýdi aıyptady. Onyń pikirinshe, Reseı "qyrǵı-qabaq soǵysqa" uqsas dıplomatıa arqyly beıbitshilikke qaýip tóndirýde.

Baerbok shıelenisti báseńdetý úshin Reseıdi "baıypty qadamdar jasaýǵa" shaqyrdy.

Qazirgi ýaqytta Ýkraınamen shekara mańyna júz myńnan astam reseılik ásker ornalastyrylǵan ári Belarýste reseılik áskerler jattyǵý ótkizýde. Búginde Ýkraına úsh jaǵynan qorshalǵan.

Batys elderi ásker men tehnıkanyń bundaı ornalastyrylýyna alańdaıdy.

Jumadan bastap Dúnıejúzilik kóshbasshylar úsh kún boıy Múnhen qaýipsizdik konferensıasyna qatysady. Konferensıa qarsańynda nemis syrtqy ister mınıstri Reseı "buryn-sońdy bolmaǵan ásker ornalastyrǵanyn", jańa "qyrǵı-qabaq soǵys" bastaǵanyn, "eýropalyq beıbitshilik tártibiniń negizgi qaǵıdattaryna qarsy shyǵyp jatqanyn" eskertti.

"Qyrǵı-qabaq soǵys" kezeńi ekinshi dúnıejúzilik soǵystan keıin bolǵan. Ol kezde Batys pen Keńes Odaǵy arasyndaǵy básekelestik ýshyǵyp, teketires ıadrolyq soǵys qaýpine deıin jetken.

Beerbok dıplomatıany jalǵastyrýǵa shaqyryp, "soǵysqa qaraı úlken qadamdardan góri beıbitshilikke jetýdiń kishkentaı qadamdary jaqsyraq" dedi.