Qostanaıda balalar úıiniń tárbıelenýshisin jazǵy lagerde zorlaý isi boıynsha sot otyrysy bastaldy, dep habarlady Tobolınfo saıty.

"Qostanaı oblysynyń qylmystyq ister jónindegi mamandandyrylǵan aýdanaralyq sotynda balalar úıiniń tárbıelenýshisin zorlady dep aıyptalǵan pedagog-psıholog Farhad Týrdıevke qatysty qylmystyq is qaralýda" delingen habarlamada.

Eske sala keteıik, 2021 jyldyń tamyzynda Rýdnyı balalar úıiniń tárbıelenýshisi zorlanǵanyn BAQ betterinde habarlanǵan. Bul oqıǵa balalar jazǵy demalysyn ótkizgen lagerde bolǵan. Keıinnen polısıa departamenti atalǵan isti resmı túrde rastap, tergeý sharalary júrip jatqanyn habarlaǵan. Aqyry is sotqa deıin jetip, proses jabyq rejımde júrip jatyr.

Farhad Týrdıev Rýdnyıdaǵy balalar úıinde 10 jyldan astam jumys istegen. Ol ómir boıy bas bostandyǵynan aıyrylǵandarǵa arnalǵan "Qara búrkit" kolonıasy dep atalyp ketken 161/3 mekemesinde psıholog bolyp jumys istegen.

– Bul fakt bizdiń tóbemizden jaı túskendeı áser etti. Sot bul isti sheshedi dep úmittenemiz. Al negizinde muǵalim jaqsy bolǵan, qıyn jasóspirimdermen de jumys istedi. Bolǵan oqıǵany boljaıtyn eshqandaı da jaıttar bolǵan joq. Tipti ne aıtarymdy bilmeımin, – dep balalar úıiniń dırektory Pavel Koval

Turdıevke Qylmystyq Kodekstiń 120-baby (zorlaý) boıynsha aıyp taǵylǵan.

Basylymnyń habarlaýynsha, jábirlenýshi zorlaý týraly aryzynan keıin Rýdnyı balalar úıinen shyǵyp, qazirgi tańda kolejde oqyp jatyr.