Qazgıdromet aldaǵy úsh táýlikke arnalǵan aýa raıy boljamyn jarıalady.

Sınoptıkterdiń málimetinshe, Aldaǵy úsh táýlikte aýqymdy antısıklon Qazaqstannyń basym bóliginde jaýyn-shashynsyz aýa raıyn saqtaıdy.

Onyń artynan respýblıkanyń batysyna qaraı, soltústik-batys sıklony jyljı bastaıdy, ol ózimen birge 19-21 aqpan aralyǵynda jańbyr men qar túrinde jaýyn-shashyn, 20-21 aqpan aralyǵynda soltústik-batysqa, 21 aqpanda eldiń soltústigine qar, jeldiń kúsheıýin jáne kóktaıǵaq alyp keledi.

Eldiń barlyq aýmaǵynda temperatýralyq fon joǵarylaıdy dep kútilýde. Termometrler baǵandary tómendegideı temperatýrany kórsetedi:

♦ batysta túnde -5...+5 deıin, kúndiz +2...+13 deıin;

♦ soltústikte, soltústik-batysta túnde -5...-16 deıin, kúndiz -8...+ 2 deıin;

♦ ortalyqta, shyǵysta túnde -8...-17, kúndiz -1...-10;

♦ ońtústikte, ońtústik-shyǵysta túnde -5...+5, kúndiz + 5...+13 deıin