AQSH Reseı Ýkraınaǵa shabýyl jasaǵannan keıin óltiriletin nemese lagerlerge jiberiletin ýkraınderdiń tizimin jasaǵanyn eskertedi.

Birikken Ulttar Uıymyna jiberilgen jáne amerıkalyq BAQ-ta jarıalanǵan hatta tizim týraly "senimdi aqparat" bar ekeni aıtylǵan.

Al Kremldiń baspasóz hatshysy Dmıtrıı Peskov AQSH barlaý qyzmeti jarıalaǵan "tizim" týraly aqparat "ótirik" dep málimdedi.

Aıta keteıik, Máskeýdegi AQSH elshiligi Reseıdegi qoǵamdyq oryndarda amerıkalyqtarǵa shabýyl jasalýy múmkin ekenin eskertip, "olardy evakýasıalaý josparlary bolýy kerek" dep málimdedi.

Peskov eskertýdi "óte orynsyz" dep sıpattady.

Ol jýrnalıserge Ýkraınanyń shyǵysyndaǵy jaǵdaı "shıelenisti" kúıde turǵanyn aıtty.

Sonymen qatar, Kreml AQSH pen Reseı prezıdentteri arasyndaǵy samıttiń naqty josparlary bar ekenin joqqa shyǵarǵanymen, kelissózderge ashyq ekenin málimdegen.

"Syrtqy ister mınıstrleri deńgeıinde dıalogtar jalǵasýy yqtımal. Qajet bolǵan jaǵdaıda, árıne, Reseı men Amerıka prezıdentteri telefon arqyly nemese basqa ádistermen habarlasady" dedi Peskov.