Densaýlyq saqtaý mınıstrligi 21 aqpan kúngi epıdemıologıalyq jaǵdaı týraly aqparatty jarıalady.

Mınıstrlik málimetinshe, ótken táýlikte PTR test arqyly 483 adamnan koronavırýs anyqtalǵan. 20 aqpanda 2 adam koronavırýstan, 3 adam pnevmonıadan kóz jumdy.

22 aqpandaǵy málimet boıynsha, 30 846 adam koronavırýs ınfeksıasynan emdelýde, olardyń ishinde 4 198 pasıent stasıonarda, 26 648 naýqas ambýlatorıalyq deńgeıde em qabyldaýda.

İndetke shaldyqqandar arasynda 230 adamnyń jaǵdaıy aýyr, 103 pasıenttiń jaǵdaıy óte aýyr, 85 naýqas ÓJJ apparatynda jatyr.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, "Qyzyl" aımaqta Almaty qalasy,Soltústik Qazaqstan oblysy tur.

Qostanaı, Pavlodar oblystary "Sary" aımaqta.

"Jasyl" aımaqta: Nur-Sultan, Shymkent qalalary, Almaty, Aqtóbe, Atyraý, Aqmola, Batys Qazaqstan, Shyǵys Qazaqstan, Jambyl, Qaraǵandy, Qyzylorda, Mańǵystaý, Túrkistan oblystary.

22 aqpandaǵy málimet boıynsha 9 355 368 adam vaksınanyń I komponentin, 8 941 123 adam II komponentin saldyrǵan.