Densaýlyq saqtaý mınıstri Ajar Ǵınıat úkimet otyrysynd eldegi epıdemıologıalyq jaǵdaı jóninde baıandady.

– Qazaqstanda koronavırýs ınfeksıasy boıynsha epıdemıologıalyq jaǵdaı turaqtanyp keledi. Sońǵy aptada aýrýdyń táýliktik ósimi táýligine 1200 jaǵdaıǵa deıin tómendedi, bul – ınfeksıanyń taralý koefısıentine de áser etti. Epıdemıologıalyq jaǵdaıdyń kórsetkishteriniń oń dınamıkasy baıqalady. Sońǵy aıda koronavırýs ınfeksıasy jaǵdaılarynyń ortasha táýliktik sany 34 ese azaıdy, – dedi mınıstr.

Onyń aıtýynsha, stasıonarda emdelip jatqan adamdardyń sany 2,3 esege, ambýlatorıada emdelýshilerdiń sany 5,1 esege azaıǵan.

Sondaı-aq ol "Omıkron" shtamy Qazaqstannyń barlyq óńirinde taralǵanyn atap ótti.

– Eldiń barlyq óńirinde "Omıkron" aınalymy anyqtaldy, ol jalpy zerttelgen synamalardyń 72%-yn qurady. "Omıkronmen" qatar "Delta" shtamy da jıi kezdesedi. Ol jalpy synamalardyń 25 paıyzyn quraǵan. Qazirgi tańda "delta" shtamy 15 óńirde tirkelip otyr. Qalǵan shtammdar 3 paıyzdy quraıdy, – dedi Ajar Ǵınıat.