Reseıde qazaqstandyq joǵary jáne joǵary oqý ornynan keıingi bilim berý uıymdarynyń fılıaldary qurylady. Bul týraly Qazaqstan Respýblıkasy premer-mınıstriniń aqparattyq resýrsy málimetti.

"Uzaq merzimdi yntymaqtastyq ornatý jáne bilim berý sapasyn qamtamasyz etý, tehnıkalyq baǵyttaǵy kadrlardy daıarlaý maqsatynda Qazaqstan Respýblıkasynyń Úkimeti men Reseı Federasıasynyń Úkimeti arasynda Reseı Federasıasynda Qazaqstan Respýblıkasynyń joǵary jáne joǵary oqý ornynan keıingi bilim berý uıymdarynyń fılıaldaryn jáne Qazaqstan Respýblıkasynda Reseı Federasıasynyń joǵary bilim beretin bilim berý uıymdarynyń fılıaldaryn qurý jáne olardyń jumys isteýi týraly Kelisimge qol qoıý týraly Qaýly qabyldandy. Kelisimde eki eldiń zańnamasyna sáıkes teń negizdegi fılıaldar qurylatyny kózdelgen. Kelisimdi iske asyrý aıasynda fılıaldardy ashý kezinde qosarlanǵan lısenzıa alý júzege asyrylady. Oqytý bilim berý baǵdarlamalary sheńberinde fılıaldar ornalasqan eldiń tili men tarıhyn mindetti túrde meńgerý arqyly, eki eldiń memlekettik tilderinde júrgizilýi múmkin. Fılıaldarda memlekettik baqylaý jáne akredıtteý Qazaqstan jáne Reseı zańnamasyna sáıkes iske asyrylatyn bolady" delingen aqparattyq habarlamada.

Buǵan deıin prezıdent Q.Toqaev "Bolashaq" bilim berý baǵdarlamasynyń keı tustaryn qaıta qarap, tehnıkalyq baǵyttaǵy mamandyqtarǵa den qoıý kerektigin, basymdyqty Reseı joǵary oqý oryndaryna berý qajettigin atap ótken