Ózbekstannyń Nur-Sultan qalasyndaǵy elshiligi Qazaqstannyń Syrtqy ister mınıstrligine qańtar oqıǵasynan keıin ustalǵan azamattary týraly tolyq aqparat berýdi surap, nota joldady. Bul týraly Ózbekstan SİM resmı ókili Iýsýp Kabýljanov málim etti.
"Sońǵy kúnderi buqaralyq aqparat quraldary Qazaqstan Respýblıkasy adam quqyǵy jónindegi ombýdsmen Elvıra Ázimovaǵa silteme jasaı otyryp, Qazaqstanda qańtardaǵy jappaı tártipsizdikterden keıin 18 shetel azamaty ustalǵany, onyń ishinde 14 Ózbekstan azamaty bary týraly habarlady" delingen habarlamada.
Ózbekstan Elshiligi Qazaqstan Syrtqy ister mınıstrliginen ustalǵan azamattary týraly, olar qaıda ustalynyp otyrǵany, jaýapkershilikke tartý sebebi jaıly tolyq aqparat berýdi, qamalǵandar men konsýldyń kezdesýin uıymdastyrýdy suraıdy.
Pikir qaldyrý