Azamattyq belsendi, Demokratıalyq partıa bastamashyl tobynyń jetekshisi Janbolat Mamaı Jańaózen qalasynda ereýildetip turǵan analardy qoldaýǵa barǵandarynda arandatýshylyq áreketke tap bolǵany týraly málimdedi.
"Búgin Jańaózen qalasyna baryp, ereýilde turǵan analarǵa qoldaý bildirdik. Halyq jaqsy qarsy aldy. Bir ýaqytta 10 shaqty betperde taqqan arandatýshylar keldi. Aldymen jańaózendik belsendi Nurlybek Nurǵalıevke jabysty. Artynan maǵan shabýyl jasamaq bolǵanda, ondaǵan áıelder olardy qýyp shyqty. Jumyrtqa ákelgen eken arandatýshylar, analarǵa sony atty. Polısıa bularmen amandasyp, artynan shyǵaryp saldy" degen belsendi kezdesýdiń vıdeosyn jarıalady.
Jańaózenge barǵan "Dempartıa" ókili, belsendi Abzal Dostıarov ta oqıǵanyń barysyn vıdeoǵa túsirip, jarıalady.
Budan bólek áleýmettik jelide "Janbolat Mamaı bıliktiń jobasy" dep júrgen Oraz Álimbekov, Toqtar Jaqash sekildi jýrnalıser, saıasattanýshy Samat Nurtaza 23 sekýndtyq vıdeoqıyndy jarıalap, "jańaózendikter Janbolat Mamaıǵa qarsy shyqty" degen saryndaǵy jazbalaryn bólisip jatyr.
Pikir qaldyrý