Talǵat Qurmanbaev "QazTransOıl" AQ-nyń basqarma tóraǵasy bolyp taǵaıyndaldy, dep habarlady kompanıanyń baspasóz qyzmeti.

"QazTransOıl AQ Dırektorlar keńesiniń sheshimine sáıkes, Talǵat Qurmanbaev 2022 jylǵy 23 aqpannan bastap "QazTransOıl" AQ Bas dırektory (Basqarma tóraǵasy) bolyp saılandy" delingen habarlamada.

Buǵan deıin ol Energetıka mınıstrligi Munaı tasymaldaý jáne óńdeý departamenti dırektorynyń orynbasary qyzmetin atqarǵan.

Talǵat Qurmanbaev 1979 jyly dúnıege kelgen. 2000 jyly Qazaq memlekettik zań akademıasyn, 2004 jyly Qanysh Sátbaev atyndaǵy Qazaq memlekettik ulttyq tehnıkalyq ýnıversıtetin bitirgen. 2000 jyldan bastap munaı salasynda jumys isteı bastady.

Buǵan deıin "QazTransOıl" basqarma tóraǵalyǵy Dımash Dosanovqa tıesili bolǵan. Onyń ókilettigi 15 qańtarda merziminen buryn toqtatylǵan bolatyn. Dımash Dosanov eks-prezıdent Nursultan Nazarbaevtyń kishi qyzy Álıa Nazarbaevanyń kúıeýi.