Almaty oblysynyń ákimi Qanat Bozymbaev "Altyn Orda" bazary qyzmetiniń tóńireginde qordalanyp qalǵan máselelerdi sheshý úshin barlyq baǵyttar boıynsha jumystar júrgiziletinin málim etti.
Oblys ákiminiń baspasózqyzmeti habarlaǵandaı, bazarda qurylys, sanıtarıa jáne salyq boıynsha baqylaý júrgiziledi.
Sondaı-aq bazar qyzmetin jeńildetý jáne ashyqtyǵyn qamtamasyz etý úshin İle aýdanynda A+ deńgeıindegi avtomattandyrylǵan logıstıkalyq hab salý josparlanyp otyr.
– Logıstıkalyq habtyń aýmaǵy 200 myń sharshy metrdi quraıdy. Ol Qazaqstandaǵy eń iri kásiporyndardyń birine aınalady. Ol úshin 200 mıllıon dollar kóleminde ınvestısıa tartamyz, 1500-ge jýyq jańa jumys orny ashylady, – dedi Almaty oblysynyń ákimi.
Bozymbaev osy jobany júzege asyratyn "AIRBA FF" JSHS dırektorlar keńesiniń tóraǵasy Edýard Kımmen memorandýmǵa qol qoıylǵanyn jetkizdi.
Buǵan deıin prezıdent Qasym-Jomart Toqaev Almaty qalasy jáne Almaty oblysy ákimderine Úkimetpen birlesip "Altyn Orda" bazarynda tártip ornatýdy tapsyrǵan bolatyn.
