Ýkraına prezıdenti Vladımır Zelenskıı Reseı basqynshylyǵyna baılanysty brıfıń ótkizip jatyr. Brıfıńten Insaıder UA telegram kanaly aqparat taratýda.

Aqparat resýrs málimetinshe, Zelenskıı buǵan deıin isti bolǵan Ýkraına azamattary qolyna qarý alyp eldi qorǵaý jasaqtaryna qosylatyn bolsa, barlyq sanksıalardy toqtatatynyn málimdegenin jazdy.

Reseımen dıplomatıalyq qarym-qatynas úzilgenin aıtqan ol, reseılikterdi Ýkraınamen soǵysqa qarsylyq bildirýge shaqyrǵan.

Sózinshe, Ýkraınanyń áskerı kúshteri aýyr soǵys qımyldaryn júrgizip jatyr. "Qarsylasymyzda adam shyǵyny bar, odan kóp bola túsedi. Óıtkeni olar bizdiń jerimizge basyp kirdi" degen ol Harkov qalasy túbinde urys bolyp jatqanyn, áskerıler tank shabýylyn toıtarǵanyn jetkizdi.

Ýkraına prezıdenti keńsesiniń shtattan tys keńesshisi Alekseı Arestovıch "Schaste", "Marıýpol" qalalary azat etilgenin, Reseıdiń kóptegen bronetehnıkasy men altynshy ushaǵy joıylǵanyn aıtty.

Sondaı-aq ol Ýkraına 40 jaýyngerin joǵaltqanyn málim etti.