AQSH memlekettik hatshysy Entonı Blınken Reseı prezıdenti Vladımır Pýtınniń Ýkraına úkimetin qulatýǵa tyrysatynyna "senimdi" ekenin aıtty.
AQSH-tyń ABC telearnasyna bergen suhbatynda Blınken Kıevke jáne Ýkraınanyń basqa da iri qalalaryna, Ýkraınanyń soltústik, shyǵys jáne ońtústiktiginen kópjaqty shabýyl jasaý "Reseı josparynyń bir bóligi" ekenin aıtty.
Blınken Reseı Ýkraınadan tys jerge shabýyl jasaýy "múmkin" ekenin aıtty, biraq AQSH-tyń NATO-daǵy odaqtastaryn qorǵaý jónindegi mindettemesin qaıtalap, "NATO-nyń bir múshesine shabýyl NATO-nyń barlyq múshelerine jasalǵan shabýyl" dep eskertti.
"Prezıdent NATO terıtorıasynyń árbir súıem jerin qorǵaıtynymyzdy anyq aıtty. Meniń oıymsha, bul – prezıdent Pýtınniń Ýkraınadan tys jerlerge shyǵýyna qarsy eń kúshti tejeý", - dedi ol.
Blınken sondaı-aq AQSH prezıdenti Djo Baıdenniń "eger jaǵdaı shıelenise túsetin bolsa, Pýtınge tikeleı baǵyttalǵan AQSH-tyń qoldanystaǵy sanksıalaryn keńeıtý múmkindigi bar" degen ustanymyn qaıtalady.
Pikir qaldyrý