Air Astana Ýkraınadaǵy qazaqstandyqtardy 26 aqpan kúni jergilikti ýaqyt boıynsha 02:00-de elge alyp keledi. Bul týraly áýe kompanıasynyń baspasóz qyzmeti habarlady.

"Air Astana Ýkraınadaǵy qazaqstandyqtardy Polshadaǵy Katovıse qalasynan Atyraýǵa arnaıy reıspen alyp shyǵýdy josparlap otyr. Reıs Katovıseden 26 aqpanda jergilikti ýaqyt boıynsha saǵat 2.00-de ushady. Jolaýshylar reıske Qazaqstan Respýblıkasynyń Ýkraınadaǵy Elshiligi bergen tizimder boıynsha tirkeledi. Qazaqstandyqtar 25 aqpan kúni Zamknen kóshesi 3/1 mekenjaıy boıynsha Lvovtaǵy Qazaqstannyń Qurmetti konsýldyǵyna ári qaraı reıske transfer jasaý úshin jınalýy kerek" delingen habarlamada.

Baılanys telefon nómirleri: +38 (032) 240-36-70, +38 (067) 989-28-19.

Qosymsha aqparat alý úshin Air Astana ókilderine kelesi nómirler boıynsha habarlasýǵa bolady: +38 (050) 051-11-17, +38 (050) 981-54-49.

Buǵan deıin 25-26 aqpanda Ýkraınadaǵy qazaqstandyqtar úshin repatrıasıalyq reıs josparlanǵany habarlanǵan.