Tirkelmegen Demokratıalyq partıanyń jetekshisi Janbolat Mamaı men "Dempartıa" ókili, belsendi Dáýren Dostıarov 15 jáne 5 táýlikke qamaýǵa alyndy.

"Janbolat Mamaıdy 13 aqpan kúni Qańtar qurbandaryna arnalǵan qaraly mıtıń úshin 15 táýlikke qamady. Dáýren Dostıar 5 táýlikke qamaldy" dep jazdy Janbolat Mamaıdyń áıeli Inga Imanbaı Facebook paraqshasynda.

Janbolat Mamaı ákimshilik kodekstiń 488-bap 7-bólimi (beıbit jıyn tártibin buzý), Dáýren Dostıarov 667-bap 1-bólimi (polısıanyń zańdy talabyna baǵynbaý) baby boıynsha aıyptalǵan.

Belsendilerli qalada ketip bara jatqan jerinen toqtatyp, Naýryzbaı aýdany polısıa bólimine arnaıy kólikpen súırep jetkizgen.

Belsendiler sońǵy kúnderi birneshe azamattyq kóliktegi adamdar ańdyp júrgenin aıtqan.