Ilon Mask senbide kompanıanyń Starlink qyzmeti Ýkraınada qol jetimdi ekenin jarıalady.

Reseı basqynshylyǵy saldarynan ınterneti úzilgen Ýkraınaǵa Ilon Mask qosymsha termınaldar jiberetinin aıtty.

"Starlink qyzmeti qazir Ýkraınada belsendi. Jolda kóbirek termınaldar" dep jazdy Mask Twitter-de.

Buǵan deıin Ýkraına úkimeti tvıtterde Ilon Masktan Starlink stansıalarymen qamtamasyz etýdi suraǵan.

"@elonmusk, siz Marsty baǵyndyrýdy tyrysqanda Reseı Ýkraınany basyp alýǵa tyrysyp jatyr! Sizdiń zymyrandaryńyz ǵaryshta sátti qonyp jatqanda, reseılik zymyrandar Ýkraınanyń jaı halqyna shabýyl jasap jatyr!" - dep jazdy Ýkraınanyń vıse-premeri Mıhaılo Fedorov.

Reseı basqynshylyǵy Ýkraınadaǵy ınternet baılanysyna áser etken. Ásirese eldiń ońtústigi men shyǵysynda shaıqas kóp boldy.

Ornalastyrý óte qymbat bolǵanymen, spýtnıktik tehnologıa aýyldyq jerlerde nemese optıkalyq-talshyqty kabelder men uıaly munaralar jetpeıtin qyzmet kórsetý qıyn jerlerde turatyn adamdardy ınternetpen qamtamasyz ete alady. Tehnologıa sondaı-aq daýyl nemese basqa tabıǵı apattarǵa baılanysty ınternet úzilgen kezde mańyzdy tirek bola alady.

Mask 15 qańtarda SpaceX-te 1469 Starlink spýtnıgi belsendi ekenin jáne 272-si jaqyn arada operasıalyq orbıtaǵa kóshetinin aıtqan.