Japonıanyń burynǵy premer-mınıstri Sındzo Abe Reseı Ýkraınaǵa basqynshylyq jasap jatqan tusta óz eline ıadrolyq qarý ornalastyrýǵa ruqsat berýdi qarastyrý kerek ekenin málimdedi.

Bul týraly ol teledıdarǵa bergen suhbaty barysynda Ýkraına daǵdarysynyń áserin talqylaǵan kezde aıtty.

Qazirgi ýaqytta Qytaı men Taıvan arasy shıelenisip tur.

Qytaı men Japonıa arasynda da keıbir araldarǵa talas bar.

Saıası turǵydan Japonıanyń ıadrolyq qarý ıelenýine tyıym salynǵan.

Ekinshi dúnıejúzilik soǵystan beri Japonıa óz aýmaǵynda ıadrolyq qarýdy eshqashan ıelenbeýge, óndirmeýge nemese ornalastyrmaýǵa mindetteme alǵan.

Abe myrza sonymen birge Beıjiń Taıvanǵa shabýyl jasaǵan jaǵdaıda AQSH Taıvandy qorǵaıtynyn túsindirýi kerek dep sanaıtynyn aıtty.