Ýkraınanyń İshki ister mınıstri Denıs Monastyrskıı BBC-ge suhbat berip, eldegi jaǵdaı týraly baıandady.
– Prezıdent menen kún saıyn suraıdy, biz kún saıyn jaǵdaı men bolyp jatqan ózgeristerge kúsh-jigerimizdi úılestiremiz jáne kún saıyn jaǵdaı kúrdeli, biraq turaqty dep jaýap beremiz. Iá, shynynda da, jaý ár kúni kóbirek kúsh jiberip jatyr. Biraq bizdiń dańqty qarýly kúshterimiz Kıevke kelgenderdiń barlyǵyn negizinen talqandap jatyr. Kıev basty soqqynyń orny bolyp qala beredi, – dedi ol.
Onyń sózinshe, ulttyq gvardıa, ulttyq polısıa, qaýipsizdik qyzmeti jáne qorǵanys mınıstrliginiń áskerı barlaý basqarmasy kez kelgen senarıge daıyndalyp jatyr.
– Biz dıversanttardy izdestirý jáne ustaý úshin mobıldi toptar quryp jatyrmyz. Táýlik ýaqytyna baılanysty Kıevte osyndaı 100-ge deıin top belsendi jumys isteıdi. Qalada (olar jumys istep jatqan kezde) atys estilip jatyr. Kóptegen adamdar tutqynǵa alyndy, bizdiń mamandar olarmen jumys isteıdi.
Biz jalpy qaladaǵy jaǵdaıdy óz baqylaýymyzda ustaıtynymyzdy túsinemiz, biraq saǵat saıyn, tipti mınýt saıyn sheshiletin máseleler kóp, – dep jaýap berdi Ýkraınanyń İshki ister mınıstri Denıs Monastyrskıı.
Pikir qaldyrý