Reseı armıasy Kıevke qaraı turaqty ilgerileýin jalǵastyrýda, jasandyserikter arqyly túsirilgen sýretterde uzyndyǵy shamamen 65 km bolatyn brondalǵan kolonna baıqalady.
Kýágerlerdiń aıtýynsha, reseılik áskerler ońtústiktegi Herson qalasyna qurlyq shabýyl bastady.
Eldiń barlyq qalalarynda túnde taǵy da jarylys estildi. Sheneýnikter ondaǵan beıbit turǵyn qaza tapqanyn aıtady.
Reseı men Ýkraınanyń elshileri dúısenbi kúni Belarýs shekarasynda beıbit kelissózder júrgizgen, biraq ol jerde taıaý kúnderi taǵy kezdesýge mindetteme alǵannan basqa kelisimge qol jetkizilmedi.
Beıbit kelissózder júrip jatqan kezde de reseılikter Harkov, Kıev jáne Chernıgov sıaqty qalalar men eldimekenderdi atqylaýdy jalǵastyrdy, dedi Ýkraına prezıdenti Vladımır Zelenskıı.
Zelenskıı Reseıdi BUU Qaýipsizdik Keńesiniń turaqty múshesinen shyǵarýǵa shaqyrdy.
Sondaı-aq Ýkraına Eýropalyq Odaqqa qosylýǵa resmı ótinish berdi, ony kem degende EO-nyń segiz eli qoldaıtynyn bildirdi.
Pikir qaldyrý