Ýkraınanyń soltústik-shyǵysyndaǵy Ohtyrka qalasynda reseılik artılerıalyq soqqydan 70-ke jýyq ýkraın sarbazy qaza tapty, dep habarlady jergilikti resmı ókil.
Sýmy oblysy memlekettik ákimshiliginiń basshysy Dmıtrıı Jıvıskıı shabýyldan ýkraındyq áskerı bólim qıraǵanyn, qutqarýshylar men eriktiler máıitterdi úıindi astynan shyǵarýmen aınalysyp jatqanyn aıtady.
"Kóptegen adamdar qaza tapty. Qazirgi ýaqytta qaza tapqan 70-ke jýyq ýkraınalyq jaýyngerlerge arnalǵan zırat oryndary daıyndalýda", - dep jazdy Jıvıskıı Telegram-da.
"Biraq jaý da ózderine laıyqty saldaryn kóredi" dep qosty ol.
Onyń aıtýynsha qalada "kóptegen orystardyń da máıtteri" bar, olar qazir Qyzyl Kreske berilip jatyr. Degenmen onyń jarıalaǵan málimetteri rastalǵan joq.
Pikir qaldyrý