Qazgıdromet 3-5 naýryz aralyǵynda respýblıkanyń barlyq aımaǵynda kún jylynatynyn habarlady.

"4 naýryzda sıklon Jerorta teńizinen elimizdiń aýmaǵyna aýysa bastaıdy, onymen birge ylǵal men jylýdyń úlken qoryn, jaýyn-shashyn ákeledi, negizinen jańbyr túrinde jáne aýa temperatýrasynyń kópten kútken joǵarylaýy boljanady. Soltústik aımaqtardaǵy termometr baǵandary kúndizgi ýaqytta 0-5 gradýsqa deıin, al ońtústik aımaqtarda tipti 15-20 gradýsqa deıin kóteriledi" delingen aqparattyq habarlamada.

Sınoptıkter naýryz aıynda eldiń basym bóliginde aýanyń ortasha temperatýrasy klımattyq normadan 1-2° joǵary, Batys Qazaqstan jáne Atyraý oblysynyń qıyr soltústik-batysynda normaǵa jýyq bolady dep boljaıdy.

Jaýyn-shashyn mólsheri respýblıka aýmaǵynyń basym bóliginde normaǵa jýyq, al soltústik-batys bóliginde normadan kóp bolýy múmkin dep kútiledi.