Birikken Ulttar Uıymy qazir bir mıllıon bosqyn Ýkraınadan kórshi elderge qashyp ketkenin habarlady.

Halyqaralyq qylmystyq sot Reseıdiń Ýkraınadaǵy áskerı qylmystaryna qatysty tergeý bastady.

Reseı Ýkraınanyń negizgi qalalaryna shabýyldaryn kúsheıtip jatyr. Eldiń soltústiginde, shyǵysynda jáne ońtústiginde jetinshi kún shaıqas júrip jatyr.

Ońtústiktegi Marıýpol portynda birneshe saǵatqa sozylǵan atqylaýdan keıin júzdegen adam qaza tapty, dep habarlady qala ákiminiń orynbasary.

Herson qalasynyń meri bul aımaq reseılik kúshterdiń baqylaýynda ekenin aıtty.

Birikken Ulttar Uıymynyń Bas Assambleıasy 1997 jyldan bergi alǵashqy shuǵyl otyrysynda Reseıdiń basyp kirýin aıyptady.

Máskeýdiń qorǵanys mınıstrligi Ýkraınaǵa basyp kirý kezinde 498 reseılik sarbaz qaza tapqanyn alǵash ret moıyndady.

Roman Abramovıch "Chelsı" fýtbol klýbyn satatynyn, odan túsken qarajat soǵys qurbandaryna kómek kórsetý úshin qaıyrymdylyq qoryna jiberiletinin málim etti.

Ýkraına men Reseı arasyndaǵy kelissózder qaıta jalǵasady dep kútilýde, kelissózshiler Belarýske kezekti kezdesýge barady.