Reseı kúshteri ońtústiktegi mańyzdy port qalasy Hersondy baqylaýǵa aldy, dep habarlady jergilikti bılik.

Bul basqynshylyq bastalǵannan beri reseılik kúshterge ótken Ýkraınanyń birinshi iri qalasy.

Sońǵy birneshe saǵatta Kıev pen basqa da qalalarda qatty jarylystar boldy.

BBC aqparatyna sáıkes, AQSH qorǵanys sheneýnigi Kıevke jaqyn jerde reseılik áskerı kólikterdiń iri korteji janarmaı men azyq-túlik tapshylyǵyna baılanysty toqtap qalǵanyn aıtady.

Ýkraına prezıdenti Vladımır Zelenskıı túnde óz elin qorǵaýdaǵy azamattardyń batyldyǵyn madaqtaǵan vıdeo jarıalady.

Gaagadaǵy halyqaralyq qylmystyq sot Ýkraınadaǵy yqtımal áskerı qylmystarǵa qatysty tergeýdi bastady.

Birikken Ulttar Uıymynyń aqparatynsha, basqynshylyq soǵysy bastalǵannan beri Ýkraınadan mıllıonnan astam adam bosyp ketti, olardyń sany tez ósip keledi.