Kıevke jaqyndap kele jatqan Reseı kúshteriniń iri korteji toqtap qalǵany habarlandy

/image/2022/03/03/crop-7_3_301x609_101603170700.jpeg
AQSH qorǵanys vedomstvosynyń resmı ókili Kıevke jaqyn jerde reseılik áskerı kólikterdiń úlken korteji janarmaı men azyq-túlik tapshylyǵyna baılanysty "toqtap qalǵanyn" málimdedi. Aǵylshyn áskerı barlaý qyzmetiniń baǵalaýy da osy aqparatty rastaıdy.
 
Jergilikti bılik ókilderiniń habarlaýynsha, reseılik kúshter ońtústiktegi mańyzdy port qala Hersondy baqylaýǵa alǵan. Bul – basqynshylyq bastalǵannan bergi jaý qolyna ótken Ýkraınanyń birinshi iri qalasy.
 
"Marıýpol portynda birneshe saǵatqa sozylǵan atqylaýdan keıin júzdegen adam óldi dep boljanýda" deıdi qala ákiminiń orynbasary. Ýkraına áskerıleri qalanyń ýkraındyqtardyń qolynda ekenin alǵa tartady.
 
Eldiń ekinshi qalasy Harhovte de qatty atys boldy. Ýkraına prezıdenti Vladımır Zelenskıı túnde óz elin jankeshtilikpen qorǵap jatqan azamattardyń batyldyǵyn madaqtaǵan vıdeo jarıalady.
 
Birikken Ulttar Uıymynyń aqparatynsha, basqynshylyq soǵys bastalǵannan beri Ýkraınadan mıllıonnan astam adam bosyp ketken, olardyń sany tez ósip keledi.
 
Gaagadaǵy halyqaralyq qylmystyq sot Ýkraınadaǵy áskerı qylmystarǵa qatysty tergeý bastady.
Qatysty tegter :

Pikir qaldyrý

Qatysty Maqalalar