Belgili bıznesmen, "Býtá" laqap atymen tanylǵan saıasatker Bolat Ábilov partıa quratynyn málim etti. Bul týraly ol medıakásipker Armanjan Baıtasovqa bergen suhbatynda aıtty.

Ol árqashan qoǵamnyń evolúsıalyq jolmen damyǵanyn qalaıtyn adam bolǵanyn, eshkimnen eshteńe tartyp alýdy oılamaıtynyn, eshkimdi qyzǵanbaıtynyn aıtady. Saıası alańda bılikpen kúresip júrgen azamattarǵa rızashylyǵyn bildirip, jańa saıası kúshter kóbirek qurylǵanyn quptaıtynyn jetkizdi.

Kásipker jemqorlyq sqemalary arqyly, jekeshelendirý barysynda urlanǵan baılyq qaıtarylýy kerek dep sanaıdy.

Saıasatker "qańtar oqıǵasynan beri eki aı ótse de úkimet qazaqstandyqtardyń jaǵdaıyn jaqsartý jolynda eshteńe jasamady, kerisinshe halyq turmysy nasharlaı tústi" deıdi.

Sózinshe, 13 aqpan kúngi qaraly mıtıńke shyǵýy saıası karerasyn jandandyrýdaǵy alǵashqy qadamy bolǵan.

Bolat Ábilov zańnamalyq negizde azamattarǵa oqý atýǵa tyıym salý kerektigine qol jetkizgisi keletinin atap ótti.

"Eski kadrlarmen jańa Qazaqstandy qurý múmkin emes" degen ol memlekettik múdde bárinen joǵary qoıylýǵa tıis, Máskeýge jaltaqtaýdy doǵary qajet degen oılardy aıtty.