Karavan basylymynyń jýrnalısi Aleksandra Myskına Qazaqstandaǵy orys ultynyń ókilderin aqparattyq soǵystar etnosaralyq beıbitshilikti buzýyna jol bergizdirmeýge úndep, "Qazaqstan meniń Jeruıyǵym" fleshmobyn bastaıtynyn málim etti.

"Biz Jeruıyǵymyzdy eshqashan satpaımyz. Keıbireýler Qazaqstandaǵy orystardy neden qutqarǵaly jatyr? Mol dastarhannan ba, jórgekten bastap ósirgen ájelerdiń aıaly alaqanynan ba? Qazaq halqynyń danalyǵy men sheksiz meıiriminen be? Biz qazaq tilin úırenýge daıynbyz, úırenip te júrmiz. Óıtkeni jan júregimizben qazaqtardy jaqsy kóremiz. Jańa mektepter ashylyp jatqanyna qýanyshtymyz, olardyń qazaqsha ekeni bizdi esh qaımyqtyrmaıdy. Bastysy "Kel, balalar, oqylyq" dep Altynsarın aıtqandaı, biz balalarymyz beıbitshilikte bilim alǵanyn qalaımyz. "Qazaqstan meniń Jeruıyǵym" fleshmobyn bastaımyn" deıdi jýrnalıs facebook-tegi jazbasynda.

Buǵan deıin TikTok-ta Shyǵys Qazaqstan oblysynyń turǵyny Qazaqstandaǵy orys ultyn shettetý jaǵdaılary baryn aıtyp, Reseı áskeri Ýkraınaǵa basyp kirgennen keıin ózin qaýipsiz sezine bastaǵanyn, sol úshin Reseııprezıdenti Vladımır Pýtınge alǵys bildiretinin jetkizgen.

Qazirgi ýaqytta vıdeo avtory Elızaveta Matveeva esimdi azamat ekeni, prokýratýra ony vıdeosyn zerdelep jatqany belgili boldy.