Ýkraına prezıdenti Vladımır Zelenskıı Ulybrıtanıa parlamentine beınebaılanys arqyly úndeý jasady.
"Cpıker myrza, premer-mınıstr myrza, parlament depýtattary, lordtar, hanymdar men myrzalar, men sizderge jáne Birikken Koroldiktiń barlyq halqyna, barlyq Ulybrıtanıa halqyna, uly tarıhy bar uly halyqqa úndeý joldaımyn.
Men uly armany bar, uly kúsh-jigeri bar taǵy bir úlken eldiń azamaty retinde jáne prezıdenti retinde úndeý joldaımyn.
Men 13 kúnge jalǵasqan soǵysty, biz bastamaǵan, biz qalamaǵan soǵysty aıtqym keledi.
Biz ózimizde bar nárseni joǵaltqymyz kelmeıdi, bizdiki bolǵan nárselerdi joǵaltqymyz kelmeıdi.
Bizdiń qazirgi Ýkraına kezindegi nasıster shabýyl jasap, sizder qorǵaýǵa týra kelgen Ulybrıtanıa sıaqty. Sol kezde sizderge soǵysýǵa týra kelip, óz elińiz úshin soǵysqandaryńyz sıaqty.
Qazir biz úshin suraq "bolý nemese bolmaý" (to be or not to be Shekspırdiń sózi). Bul Shekspırdiń suraǵy ekenin bilesizder. 13 kún boıy bul suraqty qoıýǵa bolatyn edi. Biraq qazir men sizge naqty jaýap bere alamyn: bul – mindetti túrde ıá, bolýy kerek.
Sizderden, órkenıetti elderden kómek kútemiz. Biz bul kómek úshin alǵys aıtamyz jáne men Borıske óte rızamyn.
(Basqynshy) elge qarsy sanksıalardyń qysymyn arttyryp, bul eldi terorıstik memleket dep tanýlaryńyzdy jáne Ýkraına aspanynyń qaýipsiz bolýyn suraımyz.
Uly elińizdiń ne isteý kerek ekenine kepildik berińizder.
Biz berilmeımiz, jeńilmeımiz, sońyna deıin baramyz.
Ýkraınaǵa jáne Ulybrıtanıaǵa dańq " dedi ol beıneúndeýde.
Ýkraına prezıdenti sondaı-aq "tiri júrýi múmkin" 50 bala týraly aıtty. "Biraq orys áskerleri olardy óltirdi" dedi ol.
Sonymen birge ýkraın qalalary Reseı qorshaýynda qalǵandyqtan shólden qaıtys bolǵan ýkraınder týraly aıtty.
Zelenskıı Ulybrıtanıanyń soǵys kezindegi premer-mınıstri Ýınston Cherchılldiń 1940 jylǵy áıgili sózderiniń birinen de úzindi keltirdi.
Cherchılldiń "Biz berilmeımiz, jeńilmeımiz, sońyna deıin baramyz.
Teńizde soǵysamyz, aýada soǵysamyz, jerimizdi qorǵaımyz.
Biz barlyq jerde soǵysamyz ... jáne biz berilmeımiz" degen sózin tilge tıek etti.
Ol sondaı-aq óz úndeýinde Ýılám Shekspırden sıtata keltirdi.
Zelenskıı Ýkraınanyń aspanynda ushýǵa tyıym salý týraly burynǵy úndeýin qaıtalap: "Bizde áli de aspan ashyq, aspanymyz reseı zymyran ushaqtary men tikushaqtary úshin áli de ashyq" dedi.
Ulybrıtanıa premer-mınıstri Borıs Djonson Ýkraına lıderi "barlyq jurttyń júregin eljiretkenin" aıtty jáne Reseı prezıdenti Vladımır Pýtınge "sanksıalardy kúsheıtýdi" jalǵastyrýǵa ýáde berdi.
Ulybrıtanıanyń Eńbek partıasynyń kóshbasshy ser Keır Starmer de Ýkraına prezıdenti men onyń halqynyń "batyldyǵy jáne bekemdigin" joǵary baǵalap: "Ol (Zelenskıı) óziniń kúshin kórsetti jáne biz oǵan jáne ýkraın halqyna bizdiń mindetteme men qoldaýymyzdy kórsetýimiz kerek" dedi.
Pikir qaldyrý