"Marıýpol qalasyndaǵy perzenthana men balalar aýrýhanasy Reseı áýe kúshteriniń soqqysyna ushyrady" dep habarlady Ýkraına baspasóz quraldary.
Prezıdent Vladımır Zelenskıı adamdar qırandylar astynda qalyp qoıǵanyn aıtyp, shabýyldy "áskerı qylmys" dep atady.
Shabýyldan keminde 17 adam jaraqat alǵany habarlandy, onyń ishinde qyzmetkerler men naýqastar bar.
Marıýpol birneshe kúnnen beri reseılik kúshterdiń qorshaýynda. Beıbit turǵyndar qaladan ketýine múmkindik berý úshin birneshe ret atysty toqtatý áreketi sátsiz aıaqtalǵan.
Ýkraınanyń Qyzyl Kres ókili Olena Stokoz Bı-bı-sıge: "Búkil qala jaryqsyz, sýsyz, azyq-túliksiz qaldy, adamdar shólden ólip jatyr" dedi. Ol Qyzyl Kres evakýasıa dálizin uıymdastyrý áreketin jalǵastyratynyn aıtty.
Qala meriniń orynbasary Reseı bombalaýdy bastaǵannan beri qalada kem degende 1170 beıbit turǵyn qaza tapqanyn jáne sársenbide ondaǵy 47 adam ortaq qabirge jerlengenin, biraq bul sandar rastalmaǵanyn aıtty.
Pikir qaldyrý