Qalalyq máslıhat depýtattary Almatydaǵy qoǵamdyq kólikpen júrý aqysyn 20 teńgege qymbattatý týraly bastama kóterdi. Depýtat Asqat Qabashevtiń sózinshe, bul – jol júrý aqysyna jumsalyp jatqan sýbsıdıany únemdep, únemdelgen qarajatty basqa salaǵa baǵyttaýǵa múmkindik beredi.

– Almaty máslıhatynyń kezekti 16 sesıasynda negizgi sheshimderdi qabyldaýdan bólek, qoǵamdyq kóliktegi jol aqyny 80 teńgeden kóterý týraly pragmatıkalyq oı aıtyldy. Óz atymnan tarıfti 20 teńgege bolsa da kóterý jolaýshy tasymaly sýbsıdıasyn anaǵurlym qysqartyp, qala damýy úshin ájeptáýir qarajat únemdeler edi dep qosqym keledi, – deıdi depýtat

Alaıda kózdelip otyrǵan ózgeris qala turǵyndaryn qýanta qoımady.

"Depýtat, ákim jáne máslıhat hatshysy Stanıslav Kankýrov myrza, qoǵamdyq kólikti aqshaǵa taryqtyrýdy doǵaryńyzdar. Únemdegilerińiz kelse, basqa jobalardan únemdeńizder. Gelendvagenmen júrgendikten, sizderge jaqsy árıne, al qarapaıym adamdar kisi toly avtobýsta syǵylysyp keptelisterde turýǵa májbúr. Qala búdjetin únemdeýdiń kóptegen joldary bar. Máselen, ál-Farabı arqyly jaıaý júrginshiler kópiriniń keregi ne? Byltyr Natalá Lıvınskaıa tanystyrǵan Tuńǵysh prezıdent parkin 1 mlrd teńgege jóndeý she? Qala qazynasy qalaı jumsalyp jatqanyn qarar bolsa, qajetsiz shyǵyndardy kóptep tabýǵa bolatynyna senimdimin. Qoǵamdyq kólik – mektep, aýrýhana sekildi negizgi qajettilik qoı" dep jazady turǵyndardyń biri.

Derekkóz: KazTAG saıty