Birikken Ulttar Uıymynyń Qaýipsizdik Keńesi juma kúni shuǵyl jıyn ótkizip, Reseıdiń "Ýkraınadaǵy bıologıalyq qarý jasaýdy AQSH qarjylandyrady" degen málimdemesin talqylaıdy.
Kezdesýdi Reseı surap otyr. Al Batys elderi Reseıdi "Ýkraınada bıologıalyq jáne hımıalyq qarýdy bolashaqta qoldaný múmkindigin aqtaý úshin aqparatty oıdan shyǵaryp otyr" dep aıyptaıdy.
Buǵan deıin Ýkraına prezıdenti Kıev bıologıalyq qarý-jaraq jasap jatqanyn joqqa shyǵaryp, Reseıdi "Ýkraınanyń beıbit turǵyndaryna (bıologıalyq qarý) qoldanýǵa daıyndalyp jatyr" dep aıyptaǵan.
Kezdesý týraly jańalyqtarǵa reaksıa bildirgen BUU janyndaǵy AQSH mısıasynyń ókili AP News-ke Reseı "BUU Qaýipsizdik Keńesin jalǵan aqparat taratýǵa arnalǵan oryn retinde paıdalanýǵa" tyrysyp jatqanyn aıtty.
Pikir qaldyrý