Áleýmettik jelide bilim jáne ǵylym mınıstri Asqat Aımaǵambetovtyń otstavkasyn talap etken petısıa qyzý talqylanyp jatyr. 2022 jylǵy 5 aqpanda jarıalanǵan petısıaǵa búginde 8244 adam qol qoıǵan.

Petısıada Asqat Aımaǵambetovty "óz ókilettikterin oryndaı almaıdy, ǵylymı-pedagogıkalyq qoǵamdastyq pen ata-analardyń senimin joǵaltty, BǴM júıesinde sybaılas jemqorlyq, jumystyń quldyraýy, búrokratıa, derekterdi burmalaý, el basshylyǵynan jáne qoǵamnan derekterdi jasyrý oryn alýda" dep aıyptaıdy.

Áleýmettik jelide sońǵy kúnderi osy petısıaǵa qarsy shyǵyp, Asqat Aımaǵambetov ary qaraı da bilim jáne ǵylym mınıstri bola berýin qalaıtyndaryn jetkizýshiler kóbeıe tústi. Osy oraıda Qamshy portaly oqyrmandary arasynda saýalnama júrgizip, mınıstr jumysyn baǵalaýdy suraıdy.