Tirkelmegen Demokratıalyq partıanyń jaqtastary Almaty qalasy polısıa departamenti ǵımaratynyń aldynda belsendi, "Dempartıa" jetekshisi Janbolat Mamaıdy bostandyqqa shyǵarýdy talap etip, ashtyq jarıalady.

Belsendiniń áıeli, jýrnalıs, quqyqqorǵaýshy Inga Imanbaıdyń aıtýynsha, Janbolat Mamaıdy 2 aıǵa qamaýǵa alý boıynsha sanksıalyq sot sheshimi shyqpaǵan, alaıda prokýror belsendini 2 aıǵa qamaýdy surap otyr.

Janbolattyń jaqtastary tergeý sotynyń sheshimin kútpesten belsendini bosap týdy talap etip, ashtyq jarıalaıtynyn málim etti.

Sózderinshe, Janbolat Mamaıdy bosatpaıynsha, polısıa departamenti ǵımaratynan ketpeıdi.

Buǵan deıin qańtar oqıǵasy qurbandaryn eske alý mıtıńine qatysqany úshin beıbit jıyn ótkizý tártibin buzdy degen aıyppen 15 táýlikke qamalǵan Janbolat Mamaı ákimshilik jaza merzimi aıaqtalar shaqta 2 aıǵa qamalýy múmkin ekeni habarlanǵan. Janbolat Mamaı ústinen "Polısıany qorlady, jalǵan málimet taratty" degen aıyptar boıynsha qylmystyq is qozǵalǵanyn málim etken.

Opozısıalyq jýrnalıs Ermurat Bapı Janbolat Mamaıdyń ústinen qylmystyq is qozǵalýynyń saıası astary bar dep sanaıdy. Sózinshe, munyń artynda Demokratıalyq partıa degen ataýmen saıası partıa qurǵysy kelip júrgen belsendiniń áreketin toqtatý oıy tur.