Qaırat Satybaldynyń áıeli Gúlmıra Satybaldy kásipker, belgili prodúser Baıan Maqsatqyzynyń kúıeýi Tursyn Alagózovtyń kompanıasyn reıderlik jolmen tartyp alýǵa qatysy bar. Bul týraly Baıan Maqsatqyzy jelidegi paraqshasynda málim etti.
Prodúser buǵan deıin "Gúlmıra Satybaldy "kásibin tartyp aldy" delingen áıeldiń vıdeosyn jarıalap, ózderi de reıderlik basyp alý qurbany bolǵanyn jetkizdi.
"Menen bul ras pa, shyn máninde qalaı boldy" dep jıi suraıdy. Biz bul suraqtarǵa jaýap berýge, tıisti aqparattardy usynýǵa daıynbyz. Onyń barysynda daýly famılıalar atalatyn bolady. Bul oqıǵaǵa azamattarymyz tańǵalady dep oılamaımyn. Óıtkeni mundaı jaǵdaıǵa elimizde júzdegen kásipker tap bolyp, belgili adamdar qysym jasaǵandyqtan sotqa shaǵymdana almaǵan. Men Galanz Bottlers kompanıasyn reıderlik jolmen tartyp alǵan adamdar men olardyń sybaılastarynyń barlyǵynyń aty-jónin ataımyn. Jaqyn kúnderi tergeý organdaryna bıznesti tartyp alýǵa baılanysty barlyq qajetti dálel beriledi" dedi ol.
Posmotret etý pýblıkasıý v Instagram
Sondaı-aq ol Qaırat Satybaldy men onyń áıelinen zábir kórgen ózge de adamdar týraly bile túskenin, bıznesin joǵaltqan adamdardyń atyn estigende qoǵam shok bolatynyn jetkizdi.
Tursyn Alagózov buryn alkogólsiz sýsyndar óndiretin Galanz Bottlers kompanıasynyń iri aksıalar paketine ıelik etken. Kompanıaǵa "Maxi chaı", "Sevens", "Pervo kvas", "Aloe" shyryny sekildi saýda markalary kirgen.
13 naýryz kúni eks-prezıdent Nursultan Nazarbaevtyń nemere inisi Qaırat Satybaldy laýazymdyq ókilettikterin asyra paıdalandy, "Qazaqtelekom" AQ-nyń qarajatyn asa iri kólemde urlady dep aıyptalyp, Túrkıaǵa ushqaly turǵan jerinen ustalyp, ýaqytsha ustaý ızolátoryna qamalǵan. Sondaı-aq Q.Satybaldyulynyń memleket qaýipsizdigine nuqsan keltiretin basqa da qylmystarǵa qatystylyǵy tekserilip jatyr.
2021 jylǵy 23 maýsymda "Base" youtube kanalynda Aıgúl Mekeshova degen kelinshek Gúlmıra Satybaldy quny 1 mıllıard teńgeden asatyn bıznesin tartyp alǵanynyn málim etken.
Pikir qaldyrý