"Reseıdiń barlyq derlik áskerı shabýyldary demalys kúnderi az ǵana ilgerilegennen keıin toqtap qaldy" dep habarlady BBC. 

♦Ýkraına bıligi qorshaýdaǵy Marıýpol qalasynan 160-qa jýyq kólikten turatyn evakýasıalyq kerýen shyǵyp úlgergenin málimdedi.

♦Seısenbi kúni tańerteń Kıevtiń batysyndaǵy Borshagovka aýdanynda kem degende eki iri jarylys boldy.

♦Reseı bıligi baqylaıtyn telearna jańalyqtary júrgizýshisiniń artynda telearna redaktory "Soǵysqa jol joq" degen jazýy bar plakat ustap, tikeleı efır arqyly osylaısha Ýkraınadaǵy Reseı basqynshylyǵyna degen kózqaras bildirdi.

♦ Reseı men Ýkraına ókilderi arasyndaǵy kelissózderdiń tórtinshi raýndy nátıjesiz aıaqtaldy. Kelissóz búgin qaıta jalǵasady.

♦ Reseı Ýkraınanyń kóptegen qalalaryn bombalaýyn jalǵastyrýda, astana Kıevtegi kóp páterli úılerde bir adam qaza tapty.

♦ Reseı qorǵanys mınıstrligi "Donesk qalasynda ýkraınnanyń zymyrandary 20 adamnyń ómirin qıdy" dep málimdedi. Ýkraına bul shabýyl úshin Reseıdi aıyptady.