"Ýtılalymǵa jol joq" qozǵalysynyń ókilderi Qazaqstandaǵy avtoóndirýshiler otandyq ónim dep júrgen kólikter daıyn bólshekterden qalaı jınalatynyn kórsetti.

Sózderinshe, otandyq óndirýshiler kóliktiń daıyn bólshekterin qurastyrý arqyly memleketten sýbsıdıa túrinde qyrýar qarjy alyp, salyq tólemeı otyr. Olar mundaı áreket belgili bir olıgarhıalyq toptyń múddesi úshin ǵana jasalyp otyrǵanyn aıtady.

Qozǵalys ókilderi Qazaqstandaǵy kólik quny ýtılalym men bastapqy tirkeý salyǵynyń saldarynan ádiletsiz qymbattap ketetinin jetkizdi.

Sondaı-aq olar bul kórinisti 12 naýryzǵa josparlanǵan beıbit sherýde kórsetýdi oılaǵanyn, alaıda Almaty qalasy ákimdigi beıbit jıyn ótkizýge ruhsat bermegendikten, áleýmettik jelige salýdy uıǵarǵanyn atap ótti.