"Reseı prezıdenti Vladımır Pýtın Ýkraınaǵa shabýyl jasap, Kıevti tez arada jeńý týraly oıynan qaıtqan sıaqty" dep habarlady BBC.

Basylym Pýtın muny Reseı tarıhyndaǵy sheshýshi sát dep sanaıtyny anyq ekenin jazady.

BBC aqparatyna sáıkes, Reseı prezıdentiniń bastapqy maqsaty Ýkraınany basyp alý jáne onyń úkimetin qulatý bolǵan. Ol Kıevtiń NATO-ǵa qosylýǵa degen umtylysyna túbegeıli tosqaýyl qoıýdy kózdegen.

Pýtın orys halqyna maqsatyn "Ýkraınany demılıtarızasıalaý jáne de-nasıfıkasıalaý" dep túsindirgen. Ol sonymen qatar qatar, óz maqsaty segiz jyl boıy Ýkraına úkimetiniń qorqytýy men genosıdine ushyraǵan orystardy qorǵaý ekenin aıtqan. "Ýkraına jerin basyp alý bizdiń josparymyz emes. Bizdiń eshkimge kúsh kórsetý nıetimiz joq" degen ol.

Reseı kúshteriniń Ýkraınaǵa basyp kirýi saldarynan ondaǵan eldi mekender men qalalar qırady, áskerılermen qosa, beıbit turǵyndar qaza tapty, mıllıondaǵan adam bosqynǵa aınaldy. Reseı okýpasıasyna qarsy ýkraındar birigip, qatty qarsylyq tanytyp jatyr.

Bombylaý jalǵasýda, biraq bitimgershilik kelissózderiniń sońǵy málimetteri Reseı endi ýkraın úkimetin qulatýdy maqsat tutpaıtynyn, onyń ornyna beıtarap Ýkraınany kózdep otyrǵanyn kórsetedi.