Nur-Sultan qalasynda "BİLİM-INNOVASIA" HQQ qoldaýymen "Bilim jáne densaýlyq – 2022" kórmesi ótti. Atalmysh sharanyń saltanatty ashylýyna arnaıy QR BJǴM vıse-mınıstri Karınova Sholpan Tańatqyzy jáne "BİLİM-INNOVASIA" HQQ prezıdenti Óte Darhan Ermahanuly qatysty.

"Bilim jáne densaýlyq – 2022" kórmesiniń ashylýynda alǵash bolyp sóz alǵan QR BJǴM vıse-mınıstri Sholpan Karınova: "QR Prezıdenti Qasym-Jomart Toqaev 2022 – "balalar jyly" dep jarıalaǵany barshamyzǵa aıan. Osy maqsatta oqýshylarymyzdyń tyń bastamalaryn qoldaýǵa daıynbyz. Jalpy balalardyń ǵylymǵa, bilýge, jańashyldyqqa qushtarlyǵy bizdi qýantady. Búgin osy kórmege jınalǵan oqýshylarymyzdyń ár jumysy úlken jetistik" dep sózin túıindedi.

"BİLİM-INNOVASIA" HQQ prezıdenti Darhan Óte "El bolashaǵy jastarymyzdyń bul alǵashqy qadamy álemdik iri ǵylymı jobanyń ashylýyna sep bolady. Osyndaı talapty jastyń bilimin jetildirgen ustazdar qaýymyna alǵys bildiremin" dedi.

Kórmeni tamashalaýǵa kelgen jurttyń qarasy qalyń. Ásirese, balalardyń ǵylymı jobalaryna qyzyǵýshylyq tanytqan qala turǵyndary men qonaqtary ár stendtiń janynan shyqpaı bar yntasymen tyńdap, sýretke túsirdi.

Kórmege "BİLİM-INNOVASIA" HQQ jáne "Bilim orda" HQQ qarasty birqatar mektep-lıseı oqýshylarynyń jumystary qoıyldy.

Jalpy, sońǵy ýaqytta ulttyń saýlyǵy óte ózekti taqyryp. Dúnıe elderi urpaqtyń bilimdi hám deni saý bolýyna basty nazardy aýdaryp otyr. Kórmede de oqýshylar zamandastaryna zıandy áreketten aýlaq bolýyna, salaýatty ómir saltyn ustanýyna ún qosýdy óz jobalary arqyly kórsetti. Sondaı-aq sońy tehnologıalar boıynsha túrli ınovasıalyq jobalardy qurastyryp, ýaqyty men bilimin arnaǵan oqýshylardyń eńbegi kópshilik kóńilinen shyqty.

BİLİM-INNOVASIA" HQQ baspasóz qyzmeti