Abaı, Ulytaý, Jetisý oblystary naqty qashan qurylýy múmkin?

/image/2022/03/24/crop-69_33_424x753_413feed3fd7897033a4eaf9db1b3bdd0.jpg
Abaı, Ulytaý, Jetisý oblystary 2022 jylǵy maýsymda qurylýy múmkin, dep habarlady HOLA News saıty óziniń derekkózderine súıenip.
 
Basylym derekkóziniń málimetinshe, prezıdent Qasym-Jomart Toqaev tıisti jarlyqqa maýsym aıynda qol qoıady. Oǵan deıin aýmaqtyq bólinis, sheneýnikterdi taǵaıyndaý, jańa aımaqtardyń búdjetin bekitý sekildi máseleler sheshimin tabýǵa tıis. Qazirgi ýaqytta úkimet pen prezıdent ákimshiliginde talqylaý júrip jatyr.
 
Prezıdent 16 naýryz kúngi joldaýynda elde jańadan úsh oblys qurylatynyn málim etken.

Shyǵys Qazaqstan oblysy ekige bólinip, jańa Abaı oblysy qurylady. Oblys ortalyǵy Semeı qalasy bolady. Qaraǵandy oblysy ekige bólinip, Ulytaý oblysy qurylady. Oblys ortalyǵy – Jezqazǵan qalasy. Almaty oblysy ekige bólinip, jańadan Almaty jáne Jetisý oblystary qurylady. Almaty oblysynyń ortalyǵy Qapshaǵaı qalasy, Jetisý oblysynyń ortalyǵy Taldyqorǵan qalasy bolady. Qoǵam tarapynan Qapshaǵaı qalasyn Qonaev qalasy dep ózgertý usynysy tússe, prezıdent usynysty qoldaıtynyn jetkizdi.

Pikir qaldyrý

Qatysty Maqalalar