Vladımır Zelenskııdiń sózinshe, Marıýpolde reseılik áskermen qatar ýkraınalyq ásker de bar. Olar qalanyń ár bóligin baqylaýynda ustap otyr. Prezıdent ýkraınalyq áskerılerdi ómirin saqtap qalý úshin qaladan shyǵýǵa shaqyrǵanyn, biraq olar bas tartqanyn atap ótti.
– Olar jaralylar men qaza tapqandardy tastap ketpeıtinin aıtty. Qala kóshelerinde, tratýarlarda reseılik jaýyngerler men Ýkraın azamattarynyń múrdeleri shashylyp jatyr. Olardy tazalap jatqan eshkim joq. Bizdiń ásker mert bolǵan maıdandastaryn tastap ketýge daıyn emes. Qaladan shyǵyp, qarýlastaryn qoqysty kómgendeı kóme salýǵa daıyn emes. Biz reseılik taraptan máıitterdi alyp shyǵýǵa múmkindik berýin suradyq. Olar múmkindik bermedi, – degen ol Marıýpol, Volnovaha men Kıevtiń aınalasyndaǵy shaǵyn qalalar jermen jeksen bolǵanyn, endi olar joq ekenin aıtty.
Qırandyǵa aınalǵan Marıýpoldiń qazirgi kórinisi osyndaı.
Pikir qaldyrý