Áleýmettik jelide ultarazdyǵyn qozdyratyn sózder aıtyp, "Vovo kókeni kómekke shaqyramyn" degen "Evropa plús Kazahstan" radıostansasynyń jýrnalısi Lúbov Panova jumystan qýyldy.

"Radıokanal "Evropa plús Kazahstan" resmı túrde 28.03.2022 jyly radıojúrgizýshi Lúbov Panovamen eńbek kelisim-shartyn úzdi" dep habarlady radıostansa Instagram-daǵy paraqshasynda.

"Evropa plús Kazahstan" sondaı-aq Panovanyń daýly málimdemeleri radıostansanyń kózqarasyn bildirmeıtinin jetkizdi.

Buǵan deıin Lúbov Panova facebook-tegi komentarılerde qazaqtardy "Almatyda júrgen kelimsek" dep Reseıdiń agresıasymen kelispeıtinderge Reseı prezıdenti Vladımır Pýtındi meńzep "Vova kókeni kómekke shaqyratynyn" aıtqan. Onyń ultarazdyǵyn qozdyratyn sózderi jeli qoldanýshylary arasynda narazylyq týdyrdy.