Memlekettik kirister jónindegi komıtet tóraǵasynyń orynbasary Qaırat Mıatov "Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly" zań jobasynyń ashyq talqylaýy kezinde kópti tolǵandyrǵan suraqtarǵa jaýap berdi.
Qaırat Mıatovtyń aıtqandary tómende tezıs túrinde usynylyp otyr:
♦ Sottan tys bankrottyqty (qaryzdy tóleı almaıtynyn rastap, ony tóleýden bosatylý - red) bank aldyndaǵy bereshegi 1600 AEK – 4 mln 900 myń teńgeden, otbasydaǵy ár adamnyń tabysy tómengi kúnkóris deńgeıinen (36 018 teńge) aspaıtyn jeke tulǵalar rásimdeı alady;
♦ Bankrot dep jarıalanǵan adam úsh jyl boıy elden shyǵa almaıdy, bes jyl boıy kredıt pen mıkroqarjy uıymdarynan qaryz ala almaıdy, qaıtadan ózin bankrot dep jarıalaýǵa tek jeti jyldan keıin ruhsat etiledi;
♦ Zań qabyldanǵannan keıin bankter kredıt berý saıasatyn qatańdatyp, qaryz alýshynyń tólem qabiletin jiti tekserýi múmkin, óıtkeni ótelmegen qaryz kredıtordyń moınyna ilinedi;
♦ Ózin qasaqana bankrot dep jarıalaǵandar anyqtalǵan jaǵdaıda alaıaqtyq baby boıynsha qylmystyq jaýapkershilikke tartylýy múmkin;
♦ Bankrot dep jarıalanǵan azamattar qarjy saýatyn arttyratyn kýrstardan ótýge mindetteledi.
