Qazaqstannyń Ýkraınadaǵy tótenshe jáne ókiletti elshisi Darhan Káletaev qyzmetinen boatyldy. Bul týraly Aqorda saıty habarlady.
"Memleket basshysynyń jarlyǵymen Qazaqstan Respýblıkasynyń Ýkraınadaǵy Tótenshe jáne Ókiletti Elshisi Darhan Amanuly Káletaev Qazaqstan Respýblıkasynyń Moldova Respýblıkasyndaǵy Tótenshe jáne Ókiletti Elshisi qyzmetin qosa atqarýdan bosatyldy" delingen aqparattyq habarlamada.
Buǵan deıin Darhan Káletaev qyzmetinen qańtar oqıǵasynan keıin-aq ketetini týraly aqparat shyqqan bolatyn.
Darhan Kaletaev 1972 jylǵy 10 qazanda týǵan.
Shyǵys Qazaqstan memlekettik ýnıversıtetin, Ulttyq Joǵary Memlekettik basqarý mektebin bitirgen. Mamandyǵy boıynsha tarıhshy-oqytýshy, memlekettik basqarýdyń menedjeri. Saıasattaný ǵylymdarynyń doktory. Prezıdent ákimshiligi basshysynyń orynbasary, "Amanat" (burynǵy "Nur Otan) partıasy tóraǵasynyń birinshi orynbasary, "Samuryq-Qazyna» ulttyq ál-aýqat qory" AQ-nyń basqarýshy dırektory, senaty depýtaty, qoǵamdyq damý mınıstri qyzmetterin atqarǵan.
2020 jylǵy 24 aqpanda Qazaqstannyń Ýkraınadaǵy Elshisi qyzmetine taǵaıyndalǵan.
Pikir qaldyrý