Gaz jetkizýge salasynda Reseı men Eýropa arasynda qalyptasqan jaǵdaıǵa baılanysty Germanıa ekonomıka mınıstri Robert Habek Reseıden gaz jetkizý toqtaǵan jaǵdaıǵa dep tótenshe jaǵdaıǵa daıyndalý rejımin iske qosty, dep habarlady Deutsche Welle basylymy.
Ol boıynsha energıa únemdep jumsalýǵa tıis. Robert Habek únemdeý prafılaktıkalyq sharalardyń alǵashqysy ǵana ekenin málim etti.
Reseı prezıdenti Vladımır Pýtın ótken aptada Reseı endi Eýropaǵa jetkiziletin gazdyń tólemin tek rúblmen qabyldaıtynyn aıtqan. "Úlken jetilikke" kiretin elder, onyń ishinde Germanıa reseılik valútamen tólem jasamaıtynyn málim etti. Habek Máskeýdiń talaby kelisim-shartty buzatynyn, qujatta tólem quraly retinde dollar men eýro kórsetilgenin jetkizdi.
Reseı aıtqanyn qaıtar emes. "Gazǵa rúblmen tóleýden bas tartqandarǵa gaz bermeımiz" dep otyr.
Eýropa Reseı gazyna asa táýeldi. Eýroodaq tutynatyn gazynyń 90 paıyzyn ımporttan alady, onyń jartysyn Reseıden alady.
Pýtınniń málimdemesinen keıin Reseı valútasy nyǵaıyp, bul sáıkesinshe teńgeniń dollarǵa shaqqandaǵy baǵamyna da oń áser etip jatyr.
Pikir qaldyrý