"Aqpan aıynda Mamaı qańtarda janarmaı baǵasynyń ósýine qarsy demonstrasıaǵa shyǵyp, qazaqstandyq kúshtik qurylymdardyń qolynan qaza tapqan demonstranttardy eske alý maqsatynda ruqsat etilmegen mıtıńti uıymdastyrǵany úshin 15 táýlikke qamalǵan. 12 naýryzda bostandyqa shyǵýy kerek bolǵan Mamaı onyń ornyna jańa qylmystyq aıyp boıynsha 14 naýryzda sot sheshimimen eki aıǵa qamaýǵa alyndy. Ol quqyqqorǵaý organy qyzmetkerin qorlady, "jalǵan aqparat" taratty dep aıyptalyp otyr. Eger sottalatyn bolsa, úsh jylǵa bas bostandyǵynan aırylý qaýpi tónip tur" degen uıym ókili Svetlana Vorobeva bul aıyptaýlarǵa Qazaqstan bıligi ózin synaýshylardyń únin óshirý úshin jıi júginetin zańdar negiz bolyp otyrǵanyn aıtqan.
Quqyqqorǵaý salasyndaǵy bedeldi halyqaralyq Amnesty International uıymy Qazaqstan prezıdenti Q.Toqaevty tirkelmegen opozısıalyq "Demokratıalyq partıa" jetekshisi Janbolat Mamaıdy bostandyqqa shyǵaryp, oǵan taǵylǵan aıypty alyp tastaýǵa shaqyrdy.
"Qurmetti prezıdent myrza, sizden Janbolat Mamaıdy dereý bostandyqqa shyǵaryp, oǵan taǵylǵan barlyq aıypty alyp tastaýǵa jetkilikti bolarlyqtaı shara qabyldaýdy suraımyn. Meni 14 naýryz kúni Mamaıdy onyń synı oılary men tirkelmegen opozısıalyq partıaǵa jetekshilik etkeni úshin saıası astary bar jaza retinde qamaǵany, ústinen qylmystyq is qozǵaǵany alańdatady. Janbolat Mamaıdy dereý bosatýdy, ony óziniń oıyn erkin jetkizý, erkin jıyn ótkizý quqyǵyna baılanysty negizsiz qýdalaýdy toqtatýǵa shaqyramyn" delingen uıymnyń prezıdent Toqaevqa baǵyttalǵan úndeýinde.
Buǵan deıin Adam quqyǵy jónindegi taǵy bir halyqaralyq Human Rights Watch uıymy Janbolat Mamaıdyń eki qylmystyq is boıynsha qamaýda otyrǵanyna baılanysty Qazaqstan bıligin ózderiniń málimdemelerine qarsy áreket etip otyr dep synaǵan.
Pikir qaldyrý