Qorǵanys mınıstrligi Arqalyq qalasynda reseılik áskerı tehnıkalar júr degen aqparatqa baılanysty pikir bildirdi.

"Áleýmettik jelilerde taralǵan beınejazbada izdestirý-qutqarý komandalaryn qamtamasyz etý bólimshesi leginiń Baıqońyrdan Reseı Federasıasyndaǵy turaqty ornalasý pýnktterine ketýi kórsetilgen. Bul bólimshe Qazaqstanǵa bıylǵy jyldyń 14 naýryzynda Qostanaı oblysynda qonǵan ǵaryshkerler kapsýlasyn izdestirý úshin keldi. Budan buryn Baıqońyr ǵarysh aılaǵynan  "Soıýz MS-21" ǵarysh kemesi ushyrylyp, sondaı-aq  "Soıýz MS-19" kemesi  qonǵany habarlanǵan bolatyn" delingen aqparattyq habarlamada.

Buǵan deıin "Base" youtube arnasynyń avtory Aıdos Sadyqov "Arqalyqta Reseı áskeri júr, bılik elimizdi Reseıge satqan, Toqaev túsindirsin, Baıqońyrdan qaıtyp kele jatqan ásker dep eski áýenderin aıtpasyn" degen mazmunda vıdeoúndeý joldaǵan.