UQK 2022 jylǵy 25 naýryzda vedomstvoǵa qarasty qarsybarlaý qyzmeti Nur-Sultan qalasynda QR Prezıdentine jáne birqatar joǵary laýazymdy memlekettik qyzmetkerlerge qastandyq jasaýdy josparlaǵan shetel barlaý agenti "A»"degen QR azamatyn ustaǵanyn habarlady.

"Bir mezgilde ol arnaýly jáne quqyq qorǵaý organdary qyzmetkerlerine qatysty terorıstik aktiler jasaýdy josparlaǵan.

Tintý barysynda shetelde shyǵarylǵan dybys óshirgishi bar snaıperlik vıntovka, esirtki zattary jáne iri aqsha somasy tárkilendi. Qarý Qazaqstanǵa kásibı jasyrylǵan túrde bólshektermen ákelingen.

Budan ózge, QR-da "A" áleýmettik jelilerde tıisti materıaldardy jarıalaý arqyly reseıge qarsy úndeýdi nasıhattaý jáne qoǵamda rýsofobtyq kózqarastardy týdyrý tapsyrmalaryn oryndaǵan.

Aldyn ala tergeý barysynda QR azamaty joǵaryda kórsetilgen isterdi shetel memleketiniń tapsyrmasy jáne múddesinde jasaǵanyn moıyndady" delingen aqparattyq habarlamada.

Qazirgi kezde UQK Qylmystyq kodekstiń 24-baby 1-bóligi (qylmysqa daıyndalý jáne qylmysqa oqtalý) jáne 255-baby 4-bóliginde (terorızm aktisi) kózdelgen qylmysty jasaý faktileri boıynsha tergeý júrgizip jatyr.